Assam-in cine entrepreneur 10 te a pui

Assam sorkar chuan an state chhunga cine entrepreneur 10-te chu cinema hall thar dinna tur leh, cinema hall hlui  khar tawhte thuam ṭhatna turin ṭanpuina a pe. 

He puihna hi Assam State Film (Finance and Development) Corpo­ration Limited in scheme a siam hnuaiah pek an ni. Entrepeneur pangate chu cinema hall thar siamna tura ṭanpuina pek niin, midang pangate chu cinena hall hlui, khar tawhte siamṭha leh tura ṭan­puina pek an ni thung. 

Sorkar thuchhuah chuan cinema hall thar siamna tur hian sorkar chuan senso aṭanga 25%, cheng nuai 75 a tumpui dawn a; cinema hall hlui siamṭhatna turah cheng nuai 25 in a pui dawn bawk tih a sawi. 

Chief minister Sarba­nanda Sonowal chuan entrepreneur 10 hnenah cheque hlanin, Assam cinema tihchangtlun a nih theihna turin sorkar chuan he hmalakna hi a kalpui tih a sawi. He scheme hmang hian film industry pawhin hma a sawn dawn a ni, a ti.