Myanmar ramri-ah ITBP/AR dah dawn

Manipur-a helhoin sipaite lambun a, sipai 18 an kahhlum avangin sorkar laipui chuan Manipur-a India leh Myanmar inrina, km 389 enkawl turin Indo-Tibetan Border Police (ITBP) emaw, Assam Rifles emaw dah a tum.

Chandel bial, Manipur-a June 4-a sipaite lambuntu hi Naga helpawl, NSCN-K an ni a, he pawikhawihna rapthlak tak thleng avang hian sorkar laipui chuan NSCN-K hi dan pawna hnawhchhuah, firfiak pawl zingah dah a tum nia sawi a ni bawk.

Tun hnaia Myanmar tlawhtu, National Security Advisor Ajit Doval chuan Myan­mar sorkar pawhin a ram leilung chu helho, India dodal zawnga che te hman atan a remti dawn lo tia a hrilh thu a sawi.