Assam-ah lir a nghing

Assam-ah Pathianni zing kha magnitude 5.6-a nain lir a nghing a, thil tihchhiat lian tham erawh a nei lo.

India Meteorological Department official-te chuan lirnghing inṭanna hi Kokrajhar bialah, leihnuai km 10 vela thuk aṭangin a ni tih an sawi. Assam bakah Meghalay, West Bengal leh ṭhen­awm ram, Bhutan-ah pawh he lirnghing hi hriat a ni.

Assam State Disaster Management Authority Chief Executive Officer Pramod Kumar Tiwari chuan lirnghing vang hian mi pathumin hliam tenau an tuar a, Kokrajhar Railway station bula bang hlui tawh tak a chim bawk tih a sawi. Hliam tuarte hi chawhmeh zuarte an ni a, damdawi-inah hruai an ni.