Tripura-in UNICEF puihna a dil

Tripura-a National Health Mission chuan United Nations Children's Fund (UNICEF) hnenah an state-a malaria hri leng venna kawng khat atan damdawi-a chiah thosilen 50,000 thawn turin a ngen.

Union Ministryof Health and Family Wel­fare chuan Tripura state tan hian furpui a thlen hma, April thla chhungin thosien 50,000 hi pek a lo tiam tawh a ni. Mahse sorkar laipuiin a thutiam a hlen tak loh avang hian United Nations lamah ṭanpuina hi an dil ta a ni.

NHM State Mission Director Dr Sandeep K Mahatme chuan, 'Vawi tam tak kan ngen hnuah pawh, Union ministry chuan April thla chhung khan thosilen hi min pe thei lo a ni. Fur lo thlengin, malaria hri len duh hun a thleng mai dawn a, hei vang hian hmanhmawh takin UNICEF puihna hi kan dil ta a ni' a ti. Mahatme chuan UNICEF hian thosilen hi an pek thuai an beisei thu a sawi bawk.