Itanagar airport tur sorkarin bawhzui dawn

Development of North Eastern Region (DoNER) Minister Jitendra Singh chuan Itanagar airport chungchang chu sorkar laipuiin tih tak zeta bawhzui a tum thu a sawi.

DoNER Minister Singh hian kar kalta Inrinnia New Delhi-a Arunachal Pradesh Chief Minister Nabam Tuki a hmuh ṭumin he thu hi a sawi.

"Itanagar-a civilian air­port siam rawtna chu sorkar laipuiin a ngai pawimawh tak zet a, theihtawp chhuahin a bawhzui ang," a ti.

Singh chuan, "Airport siam rawtna chu chhan hrang hrang vangin tihkhawtlai a ni, a ti a, state sorkar chuan a hmun atan Bandardawa/Karsingsa a rawt a, mahse a hnuah Itanagar dai, Aru­nachal leh Assam ramri hnaih Hollangi hmun a rawt leh a ni," a ti.