Hmarchhak biala helna avangin mi 600 an thi

Hmarchhak biala helna avangin kum 2011 aṭang khan civil mi 600 chuang an thi tawh tih Union Home Ministry chuan a tarlang.

Union Home Ministry chuan Right to Information Act (RTI) hmanga zawhna a chhannaah hmarchhak bialah hian helte tharum thawhna leh firfiaka chetna vawi 3,493 thlengah, kum 2011 leh kumin May 31 inkar khan mi 614 an thi tawh tih a sawi a, security force 105 an thih tawh thu a tarlang tel bawk.

Hemi hun chhung vek hian hel 721 an thih thu RTI chhanna chuan a tarlang bawk a, kum thum kalta chhung khan Union Home Ministry-in hmarchhak state-a police force te thuam chak nan cheng vaibelchhe 812 a pechhuak bawk tih a sawi.

Kum 2012-13 leh 2014-15 chhungin Security Related Expenditure (SRE) scheme hnuaiah Assam-in vaibelchhe 373 a dawng a, Nagaland-in vaibelchhe 169, Manipur-in vaibelchhe 83 leh Tripura-in vaibelchhe 81 a dawng. Meghalaya-in sorkar laipui aṭangin vaibelchhe 29 a dawng a, Arunachal Pradesh-in vaibelchhe 73 a dawng bawk.