
Arunachal Pradesh: 'Beti Bachao Beti Padhao' kawngzawh huaihawt
Arunachal Pradesh-a Women and Child Development (WCD) Department chuan Mission Shakti Scheme hnuaiah Seijosa-ah Beti Bachao, Beti Padhao (BBBP) awareness rally an huaihawt.
He kawngzawh hi hmeichhia leh naupangte himna leh thuam chakna tur te, an dikna chanvo palzut sak an nih pawha dan hmanga hma lak sak theih a nih dante chawi larna tura buatsaih a ni. Rally hi WDC Department-a One Stop Centre (OSC) leh District Child Protection Unit (DCPU) team-ten awareness campaign an neih mek peng pakhat a ni bawk.
Awareness kalpui anih chhung hian team chuan hmun hrang hrang ah stakeholder te nen inbiakna hun an nei a, naupang hnathawk tura an chhawr ṭhin na hmun nia rinhlelh te pawh an endik a ni. Campaign hi ni hnih chhung Seijosa ah neih a ni a, hmeichhia leh naupangte dikna chanvo humhalh pawimawh zia an sawilang bawk.
Mission Shakti hi sorkar laipuia Ministry and Child Development (MWCD) hmalakna a ni a; hmeichhia te ralmuanna, himna leh tih chakna tura hma lakna a ni. He mission hnuaiah hian sub scheme pahnih, Sambal leh Samarthya a awm.