
Manipur: Indian Army ten infiamna hmanrua sem
Indian Army chuan ṭhalaite hmasawnna tur leh, tualchhung mite nena inpawhna ṭha siam tura an hmalaka pakhat atan February 2, 2025 khan Imphal East district-a Kangla Sanomsang ah infiamna hmanrua an sem.
Army hian Operation Sadbhavana hmangin tualchhung mite phut leh mamawhte tihlawhtling turin hma an la a, ṭhalaiteah infiamna leh taksa hriselna lam chawilar an tum a ni.
Infiamna hmanrua an semte hi basketball, football, cricket, volleyball, kickboxing, badminton, chess leh carrom board te a ni. Kangla Sangomsang khaw hotu, Aheibam Ibombi Singh leh NETA president, Longam Baleshwar chuan heng infiamna hmanruate hi mipui aiawhin an dawng a, Indian Army-in puihbawmna an pek chhunzawm zel avangin lawmthu an sawi nghal bawk.
Ṭhalai, infiamna lama tuimi te tih phur nan sipaite chuan sport lama mi challang tak tak Dezy Longjam, Taniya Laishram, Yendrebam Victor Singh, NG Chingulembi, W Lachenba, H Prem Meitei leh Wayenbram Jenifer Devi te chu an hlawhtlinnah lawmpuina an hlan bawk a ni.