Gymnast Dipa-i'n MA exam dawn

Tripura Gymnast Dipa Karmakar chuan Tripura University-ah Master of Arts a zir mek a, kar leh khian exam a hmachhawn ang.

Dipa Karmakar hian India aiawhin Rio Olympic Game neih zawh takah khan Gymnastic-ah palina a ni. Dipa hian Inrinni khan New Delhi a thleng a, nimin khan Tripura khawpui Agartala a thleng leh tawh a ni. Dipa hi kum 23 a ni a, MA (political science) zir mekin, a pa Dulal chuan a fanu chu exam hmachhawn turin a inbuatsaih nghal tih a sawi a, 2020 Tokyo Olympics-ah tel leh ngei turin a inbuatsaih dawn tih a sawi.

Dipa hi India hmei-chhe zinga olympic-a gymnastic bika tel thei hmasa ber a ni. Rio Olympic neih zawh takah khan final thlengin a vanduai ta a ni. Dipa hi pawl hrang hrang, amah ngaisangtu leh sorkar mi pawimawh ṭhahnem takin an lo hmuak a ni.