ULB election-a hmeichhe tana seat 33% hauh kaltlangpui dawn : Zeliang

Nagaland Chief Minister, TR Zeliangm chuan dodalna awm mah se Urban Local Bodies (ULBs) election neih tura hmeichhe tana seat 33% hauhsak chu kaltlangpui a nih tur thu a sawi.

Hmeichhe tana seat hausak a nih tur thu sor-kar-in a puan hnuah Naga civil society organi-za-tion- Naga Hoho leh Ao Senden te chuan an duh loh thu an sawi. Hemi chung-chang ngaihtuah hian Raj Bhawan-ah IRCSN general meeting neih zui a ni a, kaltlangpui turin an rel a ni.

August 11 khan Zeliang chuan cabinet thu--thlukna puangin, ULBs election-ah hmei-chhe tan seat 33% hausak a ni dawn tih a sawi. Hetih lai hian Naga Hoho te chuan cabinet thutlukna chu mak an tih thu leh sorkar chu sut leh tura an phut thu an sawi. Ao senden te chuan thawm rawn nei ve lehin, hmeichhe tana seat hausak chu an society nena inmil lo leh thil awm ngai lo nia sawiin, an duh lo thu an sawi ve leh a, an hnam kal phungah mipa leh hmeichhia te chu ang khat vek an nih thu an sawi. Hei bakah hian cabinet thu tlukna chuan Indian constitution article 371 (A) a bawhchhia nia sawiin, sut leh turin sorkar an ngen a ni.

Hemi ngaihtuah hian all tribal hohos, frontal bodies, Eastern Nagaland leh Eastern Nagaland Peoples’ Organisation (ENPO) te chuan August 17 khan Dimapur-ah joint consultative meeting an nei zui a, Municipal and Town Council election-a hmeichhe tana seat hauhsak chu an pawm theih loh thu an tarlang bawk. ENPO general secretary, Manlang Phom chuan he thil sorkarin kaltlangpui a tum hi pawi an ti hle a, engtinnge hma an lak zel dawn tih erawh an la ngaihtuah leh tur thu a sawi.