AP-in a ram chhunga beat house saah Assam a puh

Arunachal Pradesh Assembly Speaker Nabam Rebia chuan Assam sorkar chu AP chhunga Papum Pare district, Ragaso khuaa beat house saah a puh.

"Papum Pare Deputy Commissioner (DC) Taye Kayi kaihhruai official team te chu Assam police te'n Ragaso luh an lo phalsak lo a, kawng, lei leh culvert te tihchhiat a nih avangin kawng dang aṭang pawhin khua an lut thei lo a, Assam sorkar hian thil tum ruk a nei a ni," tiin Assembly Speaker Rebia chuan a sawi.

DC Kayi kaihhruai official team te hian Ra­gaso khua hi kea luh tumin Ramghat lamah an kal tih Speaker Rabia chuan sawiin, thuthar an la dawn belh loh thu a sawi bawk.

Hmarchhak bialah Assam hian a ṭhenawm state te ram inchuh thubuai a neihpui vek a, heng zingah hian Arunachal Pradesh pawh telin, an thubuai hi Supreme Court-ah ngaihtuah lohin a la awm.

Assam hian 1951 Bordoloi Commission report tlawhchhanin Arunachal ramri a siam a, hei hi Arunachal lamin an pawm lo.

Ram inchuh thubuai chungchangah Chief Mi­nister Nabam Tuki chuan Assam CM Tarun Gogoi biain beat house sak mek chu chawlhtir turin a ngen a, Arunachal MP, Union Minister of State for Home Affairs Kiren Riji­ju pawh a hriattir tawh bawk.