Montreal Film Festival-a tihchhuah atan Bodo lemchan thlang

Assamese film siamtu hmingthang, Manju Borah-a Bodo lemchan buatsaih, ‘Dau Huduni Methai’ (Song of the Horned Owl) chu Montreal World Film Festival (MWFF)-a tihchhuah atan thlan a ni.

Bodo helte laka thingtlang khaw mite tawrh dan he lemchanah hian tarlan a ni.

Borah chuan MWFF-a tihchhuah atana a lemchan an thlang chu lawmawm a tih thu a sawiin, "Hmarchhak bial tan chuan thu lawmawm a ni a, harsatna hrang hrang nei mah ila hei hian phur tharna min pek ka beisei. Film siamna atana sum thawhtu, film producer hnen­ah lawmthu ka sawi duh a, amah anga film siamnaa sum thawh duh pawh tam tak an awm ka ring a ni," tiin a sawi.

Dau Huduni Methai film hi Shan­karlal Goenka produce a ni a, kum hnih kal­taa siam tura ruahman ni mah se Borah chuan a changtu ber tur a hmuh loh thu a sawi.

MWFF hi August 27 aṭangin Canada, Montreal khawpuiah neih a ni ang a, Borah-a lemchan hi ‘Focus on World Cinema’ huangah tihchhuah a ni ang.