Meghalaya-in limestone thawnchhuak dawn

State Customs depart­ment-in thla hnih chuang a khap hnuah Meghalaya chuan Bangladesh-ah limestone leh boulder a thawnchhuak leh dawn.

Meghalaya sorkar chuan ton kuaa rit phur thei truck leh ton 15 phur thei truck chu Land Cus­tom Station kaltlanga Bang­ladesh-a limestone leh boulder thawnchhuah a remtihsak a ni.

Forest and En­viron­ment depart­ment-a Prin­cipal Chief Conser­vator of Forest bakah Khasi leh Jaintia district Forest Officer te meeting chuan he thutlukna hi an siam a ni.

Customs department chuan lime­stone leh boulder chu state sorkar weighbridge-a a rih zawng buk a duh avangin kumin April thla khan hralh leh thawnchhuah a khap a, hetihlai hian Bangladesh lamin weighbridge an neih loh avangin a rit zawng buk nan volumetric system hman a la ni ang.

State sorkar chuan weighbridge chu lungalh­thei thawnchhuah tur bukna tur a ni tih Custom department a hriattir a, National Green Tribunal thupek anga siam a nih avangin limestone leh boulder phur truck te'n an hman a remchan loh thu a tarlang.

Volumetric system hman lailawk hi Custom department pawhin a rem­ti a, hei vang hian lime­stone leh boulder hralh­­chhuaktute chuan vo­lumetric system hmang­­in an thawnchhuak leh thei dawn a ni.