KNP-ah samak 12 kaphlum tawh

Kumin January a­ṭang­in Assam-a Kazi­ranga National Park (KNP)-ah sapel ru ṭhin ten samak 12 an kap­hlum tawh.

KNP director MK Yadav chuan he thu hi sawi­in, Thawhṭanni khan KNP guard te chuan park huam chhunga Burhapahar bialah samak ruang an hmuh thu a sawi a, a tak­saah silai mu luhna hnu­hma a awm thu leh a ki a awm loh thu a sawi bawk.

Kaziranga National Park hi Assam Golaghat leh Nagaon district huam­chhungah awmin, square kilometre 858-a zau a ni a, khawvel puma samak ki khat nei awm zinga 70% chu KNP-ah hian an awm. Assam Forest department-in kumin March thlaa report a buatsaihah samak 2401 an awm. UNESCO chuan kum 1985 khan world heritage site-ah a lo puang tawh bawk.