Manipur : February 10-ah Legislative Assembly session ṭan dawn

Manipur 12th Legislative Assembly thlasik ṭhutkhawm chu February 10-ah neih ṭan tura ruahman a nih tih Assembly secretary, K Meghajit chuan a puang.

Thawhṭannia Business Advisory Committee (BAC) meeting-ah session neih hun tur hi relin, session chhung hian vawi 11 ṭhutkhawm a ni dawn a, February 24 thleng a awh dawn. Inrinni leh Pathianniah an awl ang.

Session ṭanni hian Governor-in thu a sawi dawn a, BAC report pharh a ni nghal bawk ang. Hemi ni hian member thite sunna hun hman a ni dawn bawk a ni. February 11-ah Governor thusawi sawi hona leh zawhna leh chhanna hun hman a nih dawn bakah sorkar bill sawi hawnna an nei bawk ang.

February 14-ah Budget Estimates 2025-26 leh Supplementary Demands for Grants 2024-25 te pharh a ni dawn a, sorkar bill a awm chuan hemi ni vek hian pharh a ni nghal bawk ang. February 17-ah Budget Estimates leh Supplementary Demands for Grant hi sawi hoin pass a ni ang. Grant chungchang sawi hona leh vote lak chu February 18 aṭangin neih a ni dawn a ni.

Kuki-Zo tribal MLA zinga cabinet minister pahnih - Letpao Haokip leh Nemcha Kipgen, minister zinga hmeichhe awmchhun te chuan Manipur aṭanga inrelbawlna hran phutna thlawpin session lo awm tur hi an an boycott a ni.