AP CM Khandu test result a negative tawh
Arunachal Pradesh chief minister Pema Khandu chu September 15-ah Covid-19 a kai tih hmuh chhuah a nih hnuah Ningani khan a sample test lehin, a result a negative tawh.
Chief Minister chuan a twitter-ah tarlangin, Ningani khan RT-PCR test a nei leh a, a result a negative tih sawiin, an state mipuiten an ṭawngtai sakna avangin a lawm thu pawh a sawi nghal bawk a ni.
AP-ah hri kai 6,851 awm
Arunachal Pradesh-ah nimin thleng khan Covid-19 kai hmuh chhuah mi 6,851 an awm tawh.
Nimin khan hri kai hmuh chhuah thar mi 159 awm lehin, an zingah security force mi leh sa 15 an tel. Nilaini khan hri kai hmuh chhuah hi 221 awmin, ni khata hri kai hmuh chhuah tam ber ni a ni.
AP-a hri kai hmuh tawh zingah enkawl dam 4,967 an awm tawh a, mi 13 in an thihpui tawh thung. September 1-17 chhunga hri kai hmuh chhuah hi 2,746 an awm a, hemi hun chhung vek hian enkawl dam 2,075 an awm bawk.
State pumah nimin thleng khan sample 2,14,292 test a ni tawh a, Nilaini bik khan sample 2,753 an test a ni.