AP innghahna Tourism : Khandu

Arunachal Pradesh Chief Minister Pema Khandu chuan state sor-kar chu tourism sector tihma-sawn turin hma lam panin a kal mek tih a sawi.

Khandu leh Arunachal Pradesh Tour Operators Association (APTOA) te chuan Itanagar-ah inkawmhonna neiin, he thu hi a sawi a ni. Khandu echuan tourism chu na state innghana pawimawh tak a la nih tur thu sawiin, chutiang tur chuan hma lam panin sorkar chuan a kal mek a ni a ti. Tourism minister te pawh lo ni tawh ṭhin Khandu chuan tourism roadmap siam chu hna hmasa ber a nih thu sawin, ṭhalai tam zawk ten eizawnna atana an hman theihna turin ruahmanna siam a ni a ti.

APTOA aiawhte chuan chief minister hnenah an harsatna hrang hrangte an sawipui a, hmalak dan turte an sawiho bawk. APTOA aiawhin president John Panye leh secretary Bengia Mrinal te chuan state sorkar-ah memorandum thehlutin, ngenna hrang hrang an thlen. An thil phut zingah hian tour operator tihchangtlung, APTOA corpus fund siam te, mega tourism travel congress din leh Kameng River khualzin te hip thei tura siam bakah, tourist circuit siam te a tel a ni.