NEIFW zawh fel a ni ta

August 19-a ṭan ni thum awh North East India Fashion Week (NEIFW) chu Arunachal Pradesh khawpui Itanagar-ah zawhfel a ni ta.

He fashion week-ah hian hnam hrang hrang ziarang tilang thei thawmhnaw pho chhuah a ni. He hunah hian kum 1960 chho vela hnam hrang hrangte inchei dan te, 80 leh 90 chho aṭanga tun hun thlenga hnam hrang hrangte inthuamna chu tihlan a ni. He hunah hian fashion designer te kut chhuak chu model ten hain, Manipuri traditional wear – phanek leh phee an tih mai, pink, orange, green leh purple chawh pawlh chuan ngaihhlut a hlawh hle.

He hun hi fashion gala-a designer Yana Ngoba Chakpu-i'n a buatsaih a ni a, hmarchhaka puantahtute leh designer te hmasawn nan buatsaih a ni a, hmarchhak hmun hrang hrang aṭangin mi ṭhahnem tak an tel a ni.

North East India Fashion Week hi a ṭum hnihna niin Ethical Treatment of Animals (PETA) te ngenna angin ramsa aṭanga thawmhnaw siam chhuah dodalna campaig neih nghal a ni. Bollywood actor Adil Hussain chuan he show hi a chhim a, Itanagar-a Siddhartha Hall-ah neih niin, hmarchhaka designer ṭha 14 leh weaver 20 vel an tel a, ni.