N'land-in nurse te service rules ennawnsak dawn
Nagaland-a nurse te'n an service rules ennawn phuta nawrh an huaihawt mek laiin state sorkar chuan an thil phut ennawnsak a tum thu Thawhlehni khan a tarlang.
Nurse te thil phut puitlin nan Directorate of Health and Family Welfare chuan Nurse's Service Rule 1988 chu ennawn a nih tur thu a tarlang.
Nagaland Staff Nurse Association (NSNA) chuan Thawhṭanni aṭang khan mass casual leave lain, nawrh a huaihawt a, nursing degree leh diploma neilo, nursing sister te'n an thlawp.
Health and Family Welfare Commissioner and Secretary M Patton chuan Nurse's Service Rule 1988 chu general nursing staff te tan a ṭhat loh thu sawiin, general nurse te chuan thla thum chhung subject hrang hranga training an phawt loh chuan promotion an hmuh theih loh thu a sawi a, hei vang hian nurse te phut angin ennawn a, siamṭhat an duh a ni, a ti.
Service Rule amendment chuan hun a duh rei ang em tih chu Patton chuan chhangin, state assembly-in a pawmpui hmain thil ṭul tih ngai tam tak a awm thu a sawi a, hei vang hian nurse te chu nawrh bansan turin a ngen a, an nuar chhunzawm zel a nih chuan sorkarin an chungah thutlukna ṭha lo zawk a siam a hlauhthawn thu a sawi.