Gogoi-a'n PM Modi inrawlh turin ngen

Assam Chief Minister Tarun Gogoi Oil India Limited (OIL) Chairman-cum-Managing Director (CMD) atana Rupshikha Borah ruat chungchangah Prime Minister Na­rendra Modi inrawlh turin a ngen.

CM Gogoi chuan thu­chhuah a siamah OIL CMD atan Public Enterprises Selection Board (PESB)-in Rupshikha Borah a rawt tih a tarlang a, hei hi tih­dang­lam a nih chuan rorelna dik lo a ni, a ti.

OIL-a dinhmun sang ber luah ber turin Borah chu a tling tawk tih Gogoi thuchhuak chuan a tarlang a, CMD atana a appointment tihkhawtlai chu thil dik lo a ni, a ti.

Borah chu OIL hotu atana ruat a nih loh chuan Assam leh hmeichhiate tan rorelna dik lo a ni ang, tiin a tarlang bawk.

Borah hi OIL CMD atana ruat a nih chuan hmeichhe zinga he hna chelh hmasa ber a ni ang.