AP-a railway service tihchangtlun tum

North East Frontier Railway (NFR) chuan Arunachal Pradesh, Naharlagun leh Guwahati inkara Inter City Express leh Naharlagun-New Delhi inkara AC Express service te chu coach thara thlak a tum.

Arunachal Pradesh Gover­nor Jyoti Prashad Rajkhowa-a'n railway service tichangtlung tura sorkar laipuia thuneitute a ngen hnuah NFR chuan Arunachal-a rel service te hi coach thara thlak a tum a ni.

Thawhlehnia Itana­gar, Raj Bhawan-a re­view meeting-ah NFR General Manager R S Virdi chuan rel station-a ei leh in thianghlimna leh station thiangthlimna an ngaihpawimawh thu a sawi bawk a, hemi atan hian rel station chu thawktute'n ngun taka an vil ṭhin thu a sawi.

Naharlagun rail­way station-a staff indaih­lohna phuhruk nan staff thuamchak an tum thu leh station master dah an tum thu a sawi bawk.

Meeting-ah hian Go­ver­nor Rajkhowa chuan Naharlagun-New Delhi AC Express-ah state mipuite'n quota siamsak turin NFR General Mana­ger Virdi a ngen nghal a, Naharlagun leh Guwahati inakara rel service, Inter City Express-ah AC First Class coach dah turin a ngen bawk.