Hnambil tana ST Status pek duh lo

Assam-a Coordination Committee of the Tribal Organisations of Assam-te chuan Thawhṭanni khan Guwahati-ah convention an nei a, sorkar laipuii an state-a hnambil parukte Scheduled Tribe (ST) status a pek chu duh loin Supreme Court-ah zualko an tum.

CCTOA thuchhuah chuan sorkar laipuiin Koch Rajbongshi, Tai Ahom, Chutia, Moran, Muttock leh Tea tribe-te Scheduled Tribe status a pe chu an duh lo tih sawiin, hei hian ST dangte rilru-ah nghawng ṭha lo a thlen thei niin an sawi. General secretary Aditya Khakhlari chuan Supreme Court-ah zualko an tum thu sawiin, Scheduled Tribe status pek dan hian India danpui a bawhchhia a, state sorkar pawh rawn a ni lo niin a tarlang.

Convention-a telte chuan hnam bil tana ST status pekin a nghawng theihte inhrialhhriatna 'public awareness' bautsaih an rel bakah, general strike huaihawt an tum bawk. He hunah hian All Assam Tribal Sangha leh pawl hrang hrang 17 aiawh an tel a ni.