Meghalaya : Digital education programme hawng

Meghalaya chief minister Conrad K. Sangma chuan digital education lama hmasawnna tur, Meghalaya Class Readiness Program (MCRP) a hawng. He hmalakna hi state chhung school hrang hranga zirna thlak danglam leh tih hmasawnna tura ruahman a ni.

MCRP hi English, Mathematic leh Science a zirlai naupangten harsatna an tawh ṭhin tih tlemna tura an hmalakna a ni. Heng subject-ah hian e-book leh interactive resource te telh a ni. MCRP hi primary aṭanga secondary education level thlengin hman a ni ang

Chief Minister Sangma chuan zirlaiten lehkha zir nuam an tih theih dan tur buatsaih sak leh pass percentage tih san chu an tum a nih thu a sawi. MCRP chuan zirtirtute pawh naupang an zirtirna kawngah nasa takin a pui dawn a ni, a ti.