Arunachal : CM-in infrastructure project hrang hrang hawng

Arunachal Pradesh chief minister Pema Khandu chuan Thawhlehni, February 4,2025 khan a bial, Mukto bial tih hmasawnna tur infrastructure project hrang hrang a hawng.

Chief Minister-in project a hawnte hi intlawhpawh tawnna, zirna leh infiamna hmanrua tih changtlun leh tihhmasawnna turte an ni. Project lian tham thawh tur zingah hian Lhou-Mukto kawng, km 12.50-a thui double-lane a siamna turte a tel.

Mukto-ah hian Vivekananda Kendra Vidyalaya sak a ni tawh bawk a, hei hian education sector pawh a tih chak phah hle a ni.

Chief Minister chuan Old Mirba aṭanga Fongda khua pawh tur kawn siamna tur te, Serjong-a mini stadium sakna tur te, PWD sub-division office sak leh archery ground siamna tur lungphum a phum bawk.

Government Upper Primary School, Khet leh Gongkhar-ah te hostel building, khum 20 awmna bakah choka leh chaw eina hmun leh unit type-II quarters pali sak a ni bawk dawn.