Nagaland Governor-in 'Special Assembly Session' ko

Nagaland Governor PB Acharya chuan muni-cipal and town councils election an hmachhawn turah, hmeichhe tana seat 33% hausak a nih avanga pawl ṭhenkhat ten duhlohna an lan tir avangin 'Special Assem-bly Session' a ko.

Nagaland Assembly chuan hmeichhe tana reservation quota siam sak hi hun rei tak chhung a lo tikhawtlai tawh a, mahse tun hnai khan assembly chuan civic polls an hmachhawn turah hmang turin a pass a ni. Hei hi pawl tam tak chuan duh loin an dodal a, sorkar chu sut leh turin an nawr. A duhlo langsar zingah hian Naga Hoho pawh an tel. Municipal and town councils elec-tion-a hmeichhe tan seat 33% hausan tumna duh lotu pawl ṭhenkhat chuan Supreme Court-ah thlen an tum.

Hetih lai hian Naga Mothers’ Association (NMA) te chuan hmeichhe tan seat reservation siam a nih theih nan hian kum eng emaw zat sorkar an nawr tawh a, urban body election bikah hmeichhe tan seat 25% siam sak turin sorkar chuan thutlukna a siam. Mahse hei hi NMA te chuan duh loin, 33% tal an phut a, hei hi pawl ṭhenkhat chuan an dodal thung.

Chief Minister T.R. Zeliang chuan urban body election-ah chuan Nagaland Municipal Act, 2001 hman a nih tur thu sawiin, hmeichhe tan seat 33% hauhsak an ni ang a ti a, municipal and town councils election bikah chuan sorkar-in hriattirna a chhuah thuai dawn niin a sawi. Congress party chuan reservation policy chu an thlawp thu an sawi a, Eastern Nagaland People’s Organisation (ENPO) pawhin sorkar thutlukna an thlawp thu an sawi.