NIA-in NSCN-K lakah thubuai ziaklut

National Investigation Agency (NIA) chuan Nagaland-a hel pawl pakhat, National Socialist Council of Nagaland NSCN (Khap-lang) lakah thu-buai a ziaklut.

NSCN (K) te hian Nagaland khawpui Kohima leh Dimapur-a sumdawng, pawl leh thingpui huan siamtute hnen aṭangin dan kalhin chhiah an la ṭhin nia tarlan a ni. Thubuai hi Union home minister Rajnath Singh-a rawtna anga ziah luh niin report chuan a tarlang bawk.

Tun hnaia state police-te'n NSCN-K mi leh sa an man inpuanna aṭangin, hel te hian dal kalhin pawisa an khawn ṭhin tih hriat a ni a, a bikin mimal, sumdawng leh sorkar hnathawkte hnen aṭangin sum an khawn
ṭhin a ni. NSCN-K-te hian an letterhead chuanna lehkha siamin sumdawng, thingpui chingtute hnenah hian cheng 10,000 aṭanga cheng nuai 1 thleng an phut ṭhin a, hei hi NSCN (K) self-styled ‘brigadier’ Isac Sumi leh hruaitu dangte hmalaknaa kalpui niin tarlan a ni bawk.