NEC member tharah CK Das leh Prof Kamei

IAS officer hlui CK Das leh Prof Gangmumei Kamei chu North Eastern Council (NEC) member thar atana ruat an ni.

Development of North Eastern Region (DoNER) Minister Jitendra Singh chuan NEC chairman a nih angin member tharte ruat an nih thu leh kum thum atana ruat a nih thu hi Nilaini khan a sawi.

Das leh Prof Kamei te hi full-time non-official member anga ruat an ni a, NEC headquarters Shillong-ah an awm ang.

NEC member tharte hi member hlui- IIM Shillong director hlui Ashoke K Dutta, Madan Prasad Bezbaruah IAS (retd) leh BK Char­tur­vedi, IAS (retd) te ai­awha ruat an ni a, anni hi Planning Commission member hlui an ni bawk.

Das hi kum 2008, De­cem­ber khan Assam State Electricity Board-a chairman a nihna aṭangin a chawl a, hemi hnu hian kum 2011 thleng Assam Chief Minister adviser hna a chelh hnuah civil society activist anga inhmang zui­in, BJP a zawm tawh bawk.

Prof Kamei hi Ma­nipur University-a his­tory professor hlui a ni a, reasearch leh education lama a hnathawh ṭhat avangin hmarchhak bial mi hriat hlawh tak a ni.

DoNER Minister Singh chuan NEC secre­tary Ameising Luikham chu sorkar laipuiin De­­­­partment of Public Enter­prises-a secretary atan a ruat avangin a aiawh turin IAS officer ruat a nih tur thu a sawi.