AASU-in state varsity te tan special package dilsak

Assam-a state sorkar enkawl university te tihchangtlun nan All Assam Students’ Union (AASU) chuan University Grants Commission (UGC)-ah special package a dil.

AASU president Dipanka Nath leh general secretary Lurin Jyoti Gogoi chuan Nilaini khan New Delhi-ah UGC Chairman Ved Prakash an hmu a, an thil phut pasarih awmna, memorandum an thehlut nghal.

Zirlai pawl hruaitute hian Assam-a central leh state university te inthlauh zia tarlangin, state sorkar enkawl university te tihchangtlunna tur special package an dilsak a ni.

AASU hruaitute hian college te tan UGC chu 'all-inclusive five-year UGC-sponsored development scheme' duangchhuak se an duh thu an thlen bawk a, ramin a mamawh ang zela zirlai course leh programme buatsaih an duh thu an thlen bawk.

UGC Chairman chu Guwahati-a UGC regional office chu office puitlinga hlankai a nih theih hma laksak turin an ngen bawk.