Manipur revenue lakluh a pung: CAG

Comptroller and Auditor General of India (CAG) report chuan Manipur sorkar revenue lakluh chu kum 2013-14 chhungin vaibelchhe 463-in a pung tih a tarlang.

CAG report hian state sor­kar senso pawh a pun thu tar­­­­langin, cheng vaibelchhe 189-in a pung a, a punna hi main­tenance, salary leh state sorkar leiba rulhna a ni, a ti.

Report chuan financial lia­bility pawh vaibelchhe 260-a a pun thu a tarlan rualin fi­­nancial year hnuhnung ver thleng khan repayment obligation cheng vaibelchhe 5,480 a nei bawk.

Nikuma state budget chu vaibelchhe 9,976 ni mah se vaibelchhe 7,555 chauh sen a ni a, sub head 32-ah chuan sum ruahman aiin vaibelchhe 178-in an hmang tam a, sub head 105-ah vaibelchhe 1,287 an hum thung.

Kum 2013-14 chhungin department 34-in cheng vai­belchhe 2,770 hu utilisation certificate (UC) an siam. Au­tonomous District Council te fund tihkhawtlaisak vawi eng emaw zat a thleng bawk. Hemi hun chhung vek hian state sorkar chuan revenue vaibelchhe 733 a lalut a, hei hi state sorkar revenue receipt aṭangin 10% a ni a, a bak zawng chu sorkar laipuiin a la.

Revenue department-in property aṭanga stamp duty leh fee a khawn vangin cheng vaibelchhe 32 a hloh bawk.