Manipur Congress-in rorellai party MLA 12 disqualify phut
Manipur Congress party chuan an state-a BJP kaihhruai sorkarin parliamentary secretary atana a ruat, rorellai party MLA 12-te chu disqualify phutin, Governor Dr Najam Heptulla hmuh an tum.
Manipur High Court chuan 2018-a parliamentary secretary ruat a nih chungchanga mi palite petition thehluh a ngaihtuahnaah, Ningani khan Manipur Parliamentary Secretary (Appointment, Salary and Allowances and Miscellaneous Provisions) Act, 2012 leh Manipur Parliamentary (Appointment, Salary and Allowances and Miscellaneous Provisions) Repealing Act, 2018 te chu pawm tlak loh, ram danpui kalh a ni tiin a sawi.
Hemi hnu hian Congress party chuan BJP kaihhruai sorkarin parliamentary secretary atana MLA 12 a ruat chungchangah dan kalha thilti niin a puh zui. Heng MLA 12 te hi kum 2017 khan chief minister N Biren Singh-a'n a ruat a ni.
Danpui kalhin parliamentary secretary atana ruat an nih avang hian heng MLA te hi disqualify an phut tih senior Congress MLA K Meghachandra Singh chuan a sawi.