Meghalaya CM-in Entrepreneur-te a kawm

Meghalaya chief minister Conrad Sangma chuan Inrinni khan Khasi, Jaintia leh Garo Hills-a entrepreneur-te chu video conference kaltlangin a kawm. 

Entrepreneur-te hian Covid-19 leng avanga an eizawnna kawnga harsatna an tawh hrang hrangte CM hi an hrilh a, a ṭul anga rua­hmanna siamsak turin rawtna an thlen bawk. 

CM hian hripui leng vangin industry leh entrepreneur-te a nghawng dante hi zirchiang turin Economic Task Force a lo din tawh a, anni hian an harsatna tawhte sutkian dan tur rawtna te an siam a ni. Task Force hi CM hian a ho a ni. 

Meghalaya-ah hian Inrinni khan hri kai hmuh thar mi 112 awm belh lehin, hemi ni vek hian hripui vanga thi mi pali an awm leh bawk. Hri kai hmuh tawh zinga mi 2,483 chu enkawl dam an ni tawh a, thihpui hi mi 36 an awm tawh. Hri kai mek mi 2,038 an la awm bawk.