Assam CM-in National Digital Literacy Mission hawng

Assam Chief Minister Sarbananda Sonowal chuan Nilaini khan Guwahati-ah National Digital Lite-racy Mission a hawng.

He mission hnuaiah hian khua leh tui zinga Information Technology lama hnufual ten mobile phone, tablet bakah e-mail thawn dan leh internet hman dan te an zir dawn a ni. Sarbananda Sonowal chuan he mission hi Prime Minister Narendra Modi-a'n July 1, 2015-a Digital India a lo hawn tawh bawhzuina a nih thu a sawi. Mission hawngtu chuan, "Tunlai khawvelah infor-mation technology chuan hmun pawimawh tak a luah tawh avangin mipuiten he lamah hian hma kan sawn a ngai a ni" a ti. State sorkar chuan digital literacy-a hmasawn turin hma a la mek a, a bikin kum 14 leh 60 inkarah beihpui thlak a ngai a ni, a ti. Hemi atan hian mi pakhat tan ni 10 chhung darkar hnih zel Assamese, English leh Bengali ṭawngin zirtirna kalpui a nih tur thu a sawi. Zirtirna pe tur hian mi thiam bik leh cyber crime lama mi thiam bikte rawih an nih tur thu a sawi bawk.

Assam-ah hian gram panchayat 126 a awm mek a, Assembly constituency tinah awmin, heng hmunah te hian a thawh khatna atan ni 100 chhung he mission hi kalpui phawt tur a ni. State IT minister Keshab Mahanta pawhin department chuan theihtawp a chhuah dawn tih sawiin,
ṭang-kai leh hlawhtling taka kalpui tum a nih thu a sawi. He mission hi Centre Digital Saksharta Abhiyan and Amtron hnuaia programme management unit-te'n an kalpui dawn a, National Institute of Electronics and Information Technology chuan exam a buatsaih ṭhin thung ang.