Golaghat Treasury-ah samak ki 1,195 awm

Assam sorkar-in state chhunga treasury 13-a samak ki awmte lakkhawm hna a thawh mek chu kalpui zel a ni a, Rhino Horn Verification Committee (RHVC) chuan Golaghat treasury bikah samak ki 1,195 a awm tih an sawi.

Golaghat treasury-ah hian kum 1988 khan samak ki 316 dah luh a ni a, 2008 khan 109 dahluh belh a ni. RHVC chairman Mohan Chandra Malakarchuan September thla tirah report kimchang sorkar hriattir an beisei thu a sawi a, fimkhur thilah treasury hrang hranga samak ki awm zat dik tak an la puangzar lo tih a sawi. Hetih lai hian pawl hrang hrang leh media-te chuan a zat dik tak puangzar turin an nawr.

Pawl ṭhenkhat chuan samak ki lakkhawm hna chu langtlang zawka kalpui a nih theih nan media-te hriatpui an phut tih an sawi. Assam-a tearsury 13-ah samak ki te hi dah a ni a, state sorkar chuan heng te hi hmun khatah dahkhawm tumin hma a la mek a ni. Golaghat treasury hi a lian ber niin, he hmunah hian dahkhawm vek tura ruahman a ni.