Manipur CM-i'n e-district project hawng

Manipur Chief Minister Okram Ibobi Singh chuan Nilaini khan Imphal-ah e-district project a hawng a, sorkar deparment pakuaa service 35-ah hman tura tih a ni.

E-district project-in a huam tur zingah hian district tina DC office, Regis-trar Office leh Employ-ment Exchanges-te a tel ang.

Chief Minister chuan a bikin hmun hla leh thingtlanga chengte tan a ṭangkai hle dawn tih sawiin, hmun hla tak tak pana zin ngai tawh loin birth & death certificate, caste certificate, electoral roll, BPL card leh Employment Exchange card thlengin awlsam takin siamm theih a ni tawh dawn a ni, a ti.

Project hawnna hi IT Department leh Manipur State IT Society-te'n an buatsaih a ni a, deputy chief minister Gaikhangam, parliamentary secretary IT Victor Keishing leh chief secretary Oinam Nabakishore Singh-te chuan an hmanpui a ni. Ibobi chuan IT department hmalakna fakawm a tih thu sawiin, mipuiten ṭangkai taka an hman a beisei thu a sawi. CM chuan tun hnaia pawl hrang hrang ten sorkar nawr nana nawrh an huaihawt ṭhin chu pawi a tih thu sawi langin, sorkar hmalakna tiṭhuanawp zawnga che lo tur leh, kawng dan emaw bandh emaw huaihawt tawh lo turin mipuite a ngen tih a sawi.