Sikkim CM leh Japanese Investor-te inkawm

Sikkim Chief Minister Pawan Chamling chuan nimin khan Japanese investor-te chu Mintokgang-ah meeting a neihpui a, chhiatrupna thleng thei laka invenna leh hmasawnna kalpui dan turte an sawiho.

Japan palaite chuan IT infrastructure tihchangtlun dan turte, manufacturing unit din dan turte CM an sawipui a ni. Chamling chuan Sikkim chuan electronic lamah nasa takin hma a sawn tih sawiin, manufacturing lama nasa zawka hmasawn turin ke a pen mek a ni, a ti. Sikkim chu boruak ralmuang a nih thu sawin, India rama organic state awm chhun a ni, a ti bawk.

He huna tel Information Technology Principal Secretary Govind Mohan chuan tourism lama Japan nena thawhdun an duh thu thlenin, Japanese tourist a tam thei ang berin Sikkim tlawh se a duh thu a sawi bawk.