Meghalaya CM Mukul-a'n cabinet siksawi

Meghalaya Chief Minister Mukul Sangma chuan Zirtawpni khan Cabinet Minister-te hna chanpual ṭhenkhat a siksawi.

Minister HDR Lyngdoh chuan minister Warjri enkawl ṭhin Home (Police) department a chang tawh dawn a, Animal Husbandry & Veterinary, General Administration and Tran-sport department a enkawl bawk ang. Warjri hian Health & Family Welfare, Higher & Technical Education, Law and Cooperation-te a enkawl dawn thung a ni.

Minister hna chanpual siamrem zingah hian Ampareen Lyngdoh enkawl ṭhin Urban Affairs department chu RV Lyngdoh-a'n a enkawl zui dawn a, hei bakah hian Municipal Administration, Soil & Water Conservation, Arts & Culture departments te a chang bawk ang. Hetih lai hian Ampareen hian Information Technology, Information & Public Relations, PWD (Building) leh Labour-te a chang zui ang.

Danggo chuan minister Sniawbhalang Dhar enkawl ṭhin PWD (Roads) department chu a chang dawn a, Parliamentary Affairs, Stamps & Registration department-te chang tura tih a ni bawk. PWD (Roads) minister hlui Dhar hian minister Clement Marak enkawl Power department chu a vil ve thung dawn a ni. Hei bakah hian Dhar hian Home (Jails), Community & Rural Development bakah Legal Metrology department-te a enkawl zui ang. Hetih lai hian Power department minister hlui Marak chu Forest & Environment department enkawl tura tih a ni a, hei hi Prestone Tynsong enkawl ṭhin a ni. Marak hian Social Welfare, Sericulture leh Weaving department-te a chang zui dawn bawk. Forest minister kal chhuak tur Prestone Tynsong chu Public Health Engineering, District Council Affairs leh Border Areas Development and Administrative Reforms department-te enkawl tura ruat a ni.

Deputy Chief Minister RC Laloo chuan a enkawl lai Revenue & Disaster Management, Reorganisation department kalsanin Higher & Technical Education leh School Education & Literacy department-te a chang dawn. Hei bakah hian a, Food & Civil Supply, Consumers Affairs, Home (Passport) leh Science & Technology-te a cahng zui dawn bawk. Deborah Marak chuan Social Welfare department kal sanin School Education & Literacy, Home Guards & Civil Defence te a enkawl dawn a, Printing & Stationary leh Secretariat Administration department-te a kutah a awm zui dawn a ni.

Hetih lai hian minister zingah Zenith Sangma chuan a enkawl lai Taxation, Sports and Youth Affairs, Excise leh Housing department-te a enkawl chhunzawm dawn a ni.