AP-a advanced landing ground enfiah

Indian Air Force (IAF) hmalaknaa din India leh China inrinna international border kiang, Arunachal Pradesh-a advanced landing ground (ALG) leh helipad te chu Vice Chief of the Indian Air Force, Air Marshal (Retd) PK Barbora hoin endik a ni.

Air Marshal Barbora chuan sorkar laipui chuan ram venhimna kawngah nasa takin hma a la tih sawiin, a bikin ramri depa awmte himna chu a ngai pawimawh hle a ni, a ti. Tun hnaiah AP-a ALG hawnbelh a ni leh ta chu lawmawm a tih thu sawiin, ram venhimna kawng mai bakah a ram mipuite tan hmasawnna a thlen ngei a beisei thu a sawi. Barbora chuan IAF hmalaknain kum 2009 aṭang khan Pasighat, Tezu, Along, Machuka, Vijoynagar leh hmun dangah te ALG din a lo ni tawh tih sawiin, natural disaster, medical emergency leh kawng tam takah a ṭangkai tur thu a sawi bawk.