Assam : 'Assam Rabies Elimination Project' hawng

Assam-a Mission Rabies, Worldwide Veterinary Service (WVS) leh Just be Friendly (JBF) ten Department of Animal Husbandry and Veterinary, Assam leh Guwahati Municipal Corporation (GMC) thlawpna hnuaiah Assam aṭanga ui a hri umbo tura hmalakna, 'Assam Rabies Elimination Project' an siam chu Nilaini khan an hawng.

GMC mayor Mrigen Sarania chuan Gauhati Press Club-ah project hi a hawng a, he hunah hian mi pawimawh tak tak- Dr. Dandeswar Deka, Veterinary Council of India member; Moloy Baruah, environmentalist; Dr. Sashankar Sekhar Dutta, JBF founder leh managing trustee; Dr. Balaji Chandrashekar, operation director, Mission Rabies India leh midangte an tel.

Assam Rabies Control Project hi segment hnihah ṭhen a ni a, pakhat hi Guwahati metropolitan huamchhungah a in sawrbing dawn a, a dang pakhat hi Assam-a thlan bik model district pathumah an in sawrbing dawn a ni.

Guwahati Metropolitan Area Rabies Project chuan state chhunga ui 70% chu vaccine pek a tum a, Integrated Bite Case Management (IBCM) hmangin rabies natna an enthlak dawn bakah school, damdawiin leh vantlang hmunah inzirtrina te an an buatsaih bawk ang. Mipuite chuan an harsatna an thlen theihna tur number te pawh an siam bawk.

Mission Rabies hi WVS hmalakna a ni a, rabies control programme pawh Goa, Tamil Nadu leh Karnataka-ah te an lo dah tawh a ni. Assam chu hmarchhak biala rabies do kawnga hmalakna lama bul ṭanna atan thlan a ni. Rabies hi natna ven theih a nih laiin mipuiah buaina nasa tak a thlen a ni.