Nagaland Forest deptt-in ngenna siam

Nagaland Forest department chuan sava pem chi, mu chi khat Amur Falcon-te'n September thla laihawl vel aṭanga an state an pan khawm leh dawn avangin a venhim kawngah mipui, sorkar, army, paramilitary, zirlai pawl leh NGO hrang hrang te chu thawhpuiah a sawm.

Chief Wildlife Warden Satya Prakash Tripathi chuang heng sava te hian Siberia, Mongolia, Northern China leh Japan aṭang tein September thla laihawl vel aṭang khian Nagaland an rawn pan khawm leh dawn a, November thla thleng vel an khawsa dawn a ni, a ti. Tripathi chuan kum thum kalta chhung khan mipui, sorkar leh pawl hrang hrangte ṭanrualna avangin heng sava pem chi te hian him dam takin an chenna lam an pan leh thei niin a sawi a, kuminah pawh heng sava te lo venghim tur hian
ṭanrual leh a ngai dawn a ni, a ti. Mi eng emaw zat chuan ramsa leh nungcha an man te tihlum mai loin, Nagaland Zoological Park, Rangapahar leh Tragopan Breeding Centre, Kohima-ah te an dah ṭhin a, an chhuanawm hle a ni, a ti bawk.

Nagaland-ah hian sakeibaknei chenna 88.3% chu mimal leh vantlangin an enkawl a ni a, a bang 11.7% chauh chu state sorkarin a enkawl a ni. Ramsa leh nungcha humhalhna dan khauh tak hman a ni a, an chenna bik tura siam Community Conservation Areas, Wildlife Based Community Conservation Areas leh a dang eng emaw zat a awm a ni.