Manipur Governor leh Prime Minister inkawm

Manipur Governor Dr Najma Heptullah chuan Prime Minister Narendra Modi chu New Delhi-ah inkawmin socio-economic leh educational develop-ment chungchang an sawidun.

Dr Heptullah chuan Prime Minister hmalakna chu lawm-awm a tih thu sawiin, a bik takin Manipur chuan tourism lamah nasa takin hma a sawn tih a sawi. Boruaka inkalpawhna changtlung chi zel chuan nasa takin hmasawnna a thlen tih sawiin, Manipur chuan Delhi, Mumbai, Bengaluru leh state dangte angin tlawhtu a nei ngah chho zel dawn a ni, a ti. Governor chuan an inkawmnaah hian Manipur chuan leilung mawina leh hausakna a nei niin a sawi.

Governor hian PM Narendra Modi-a'n environment hum-halh, faina leh Beti Bachao Beti Padhao lama campaign a kalpui mek chuan an state-ah rah ṭha a chhuah mek niin a sawi. Dr Heptullah hian Delhi a cham chhung hian Union Home Minister Rajnath Singh a hmu bawk.