Karimganj-ah in 40 chuang kang

Kar kalta Zirtawp zana Assam-a Karimganj Char Bazar-a kangmei chhuakah in 40 chuang a kang chhia.

Kang mei chhuahna hi Indo-Bangla border area niin, kangmei chhuah chan tak hriat a ni lo. Fire station hrang hrang Badarpur, Karimganj, Nilambazar leh Barak Valley-a Fire extinguishing team te chuan kangmei chhuahna hmun hi an pan nghal a, darkar li hnu velah ṭhelh mih chauh a ni. In kang avang hian ranvulh, a bikin Bawng leh Ar ṭhahnem tak an kang hlum a ni.

Karimganj MLA Kama­lakhha Dey Purkayastha, ex-BJP MLA Mission Ranjan Das leh political party hruaitu ṭhenkhatte chuan kangmei chhuahna hi panin, chhawmdawlna awm theite ngaihtuah sak an tiam. Vishwa Hindu Parishad leh mi ṭhahnem ngai ten harsatna tuarte chhawmdawl hna an thawk a mek a ni. Kangmei chhuak avang hian mihring thi leh hliam an awm hriat a ni lo a, bungraw kangchhe hlut zawng hi cheng nuai 20 chuang vel ni tura ngaih a ni.