Meghalaya: February 28-ah budget session nei dawn

Meghalaya legislative assembly budget session chu February 28 aṭangin neih a ni dawn a, March 13 thleng a awh ang. March 5-ah chief minister, finance changtu ni bawk Conrad K.Sangma chuan kum 2025-26 atana state budget a pharh ang.

Ningania Business Advisory Committee (BAC) meeting-ah session neih hun tur hi rel fel a ni. Meeting hi deputy chief minister leh parliamentary affairs changtu Prestone Tynsong-a'n a kaihruai a, eptu hruaitu Dr Mukul Sangma, MLA - Charles Pyngrope leh Lakshmen bakah senior official-te an tel.

Speaker Thomas A. Sangma chuan rorel inkhawm ni 10 chhung neih a ṭang hian ni thum chu Private Members' Business ngaihtuahna atan dah a ni tih a sawi a, a bak ni sarih chu Government Business tan dah a ni thung dawn tih a sawi. Sawi honaah member zawng zawngte thu sawina hun pek vek a nih tur thu leh, a ṭul a nih chuan session chu pawhsei theih a nih dawn tih a sawi.

Session ṭanni hian Governor-in thu sawiin, sorkar hnathawh leh hmalak tur hrang hrangte a sawi ang. March 3 leh March 5-ah House member-te chuan Governor thusawi chungchang hi an sawi ho dawn a ni.

March 5-ah CM-in state budget pharhin, March 7-ah Supplementary Demands for Grants pass a ni ang a, Meghalaya Appropriation (No I) Bill 2025 pawh pass-in budget sawi ho a ni bawk ang.