Assam: CM leh District Commissioner-ten video conference nei

Assam chief minister Himanta Biswa Sarma chuan February 6 khan Lok Sewa Bhawan, Guwahati-ah state chhunga District Commissioner-te video conference a neihpui. Meeting-ah hian Assam socio-economic hmasawnna atana an hnathawh leh hmalakna te an sawi ho a ni.

Meeting-a sawi ho pawimawh zingah hian Orunodoi 3.0, Mykhyamantri Mahila Udyamita Abhiyan leh Mukhyamantri Atmanirbhar Asom Abhijan te an ni.

Chief Minister Sarma chuan heng programme-te hnathawh dan leh leh ṭangkaina te a sawi a, state chhung zawng zawngah an hmang ṭangkai thei tur a ni, a ti. Tualchhung inrelbawlna pawimawh zia sawilangin, Co-District Commissioner te chuan Orunodoi 3.0 scheme hman a nih theihnan hma an la tur a ni, a ti bawk. Mukhyamantri Mahila Udyamita Abhiyan leh Mukhyamantri Atmanirbhar Asom Abhijan pawhin entrepreneurship leh gender empowerment kawngah a pui dawn a ni, a ti.