Manipur : Police-in mi 2 chhanchhuak: ruihhlo leh ralthuam man

Manipur-ah security force ten tun kar chhungin state chhung hmun hrang hrangah pawikhawihna thleng dapin beihpui an thlak a, mi pahnih rukbo an chhahchhuah bakah ruihhlo leh ralthuam eng emaw zat an man.

February 5 khan Manipur Police-te chuan Assam mi pahnih - Rintu Mina (37) leh Montu Sheikh (20), Hatta Public Hospital bulhnaia rukbo te chu an chhanchhuak a; anmahni rubo tu, Md. Anwar Hussain, (41), Kairang-Heingang Khong huamchhung ami pawh an man nghal.

Moreh gate No.1-ah pawh security force-te chuan Zamkholun Baite, (40) kut aṭangin WIY tablet kh 1.5 an man sak bawk. Bishnupur District-ah pawh ruihhlo leh ralthuam dap beihpui an thlaknaah Md. Tajuddin (29) kut aṭangin brown sugar nia rinhlelh gram 1,041 an mansak bawk, an mi mante kut aṭang hian lirthei leh mobile phone an man tel bawk.

Wangoo Mameiching leh Nongyai tlangruamah pawh ralthuam eng emaw zat man a ni a, heng zingah chuan Single barrel Gun, SLR Rifle, high-explosive grenade pahnih, tear gas munition te leh improvised explosive device, gram 600 an tel.