Assam: CM-in Mukesh Ambani hmu

Assam chief minister Himanta Biswa Sarma chuan Reliance Industry chairman Mukesh Ambani leh Anant Ambani chu February 7 khan hmuin, Assam-in Industry 4.0 hub ni tura theihna a neih thute a sawipui.

Meeting-ah hian state tih hmasawnna leh thlak danglamna tura Reliance leh Assam thawhdun theihna tur an sawi ho. CM Sarma chuan industry tih hmasawnna kawnga a sultutu atana Assam dah a pawimawh thute a sawi a, state industry ṭhanlenna leh hmasawnna awm theihna tur pawh a sawipui bawk.

Chief Minister chuan a official social media X-ah Mukesh Ambani leh Anant Ambani te nen an inhmuh thu hi tarlangin, an hun hlu tak an pek avangin a lawm thu a sawi.

February 7 khan CM Sarma chuan Tata Sons leh Tata group chairman Natarajan Chandrasekaran chu Prithviraj Road, New Delhi-a an chenna inah a lo hmu tawh bawk. Darkar khat chhung meeting neiin, Tata Group-in Assam a semi-conductor plant, Jagiroad-a dah tura investment a tir tur chungchangte an sawi a ni.