Assam : Health Minister-in Garubandha Model hospital hawng

Assam health minister Ashok Singhal chuan Sonitpur district-a Barchala constituency-a damdawi-in sak thar, Garubandha Model Hospital chu Pathianni khan a hawng.

He damdawi-in hi National Health Mission hnuaiah Rs vbc 5.98 senga sak a ni. Tunlai khawl changkang hmanga thuam a ni a, OPD pariat, aseptic delivery room pahnih, main operation theatre, khum pali awmna emergency ward, X-ray leh ultrasound hmanrua, khum 12 awmna hmeichhe general ward leh mipa general ward, khum 12 awmna siam a ni. Cabin pali, isolation ward pahnih siam a ni bawk. Damdawi-inah hian doctor leh nurse-te tan quarters siam a ni bawk.

Damdawi-in compound chhunga inkhawm buatsaihah minister Ashok Singhal chuan thu sawiin, damdawi-in thar chu Garunbandha leh Missamari huamchhunga mipuite tan a nih thu a sawi. Chief minister Himanta Biswa Sarma chu healthcare sector-a a hmathlir ropui tak avangin a fak bawk. Garubandha Model Hospital chu state sorkarin healthcare changtlung zawk mipui zawng zawng tan a chhawpchhuah tih lantirna a ni, a ti.

Minister Singhal chuan kum 2019 khan kha tih hunlaia Health Minister leh tuna chief minister Himanta Biswa Sarma chuan damdawi-in sakna tur lungphum a lo phum tawh a, helai huamchhunga cheng mipuite hnena a lo tiam tawh chu tih hlawhtlinna a ni ta, tiin a sawi.