Nagaland-in GST Bill pass ve leh

Nagaland Legislative Assembly chuan kar kalta Zirtawpni khan Goods and Services Tax (GST) Amendment Bill chu a pawm ve leh ta a, hemi hma hian hmarchhak state Assam chuan GTS Bill hi a lo pass tawh bawk.

Nagaland hi GTS Bill pass state pakuana a ni a, a hmain Assam, Bihar, Jharkhand, Himachal Pradesh, Chhattisgarh, Gujarat, Madhya Pradesh leh Delhi-te'n an lo pass tawh a ni. Social welfare and parliamentary affairs minister Kiyanilie Peseyie chuan Bill hi a pharh a, GTS chu a nihna tur ang taka hman a nih hmain sorkar laipui chuan infrastructure leh software-te a pe dawn tih a sawi. Zawhna chhangin Peseyie chuan, "GTS hman a nih hunah chuan deparment zawng zawng engkim online-a an kalpui vek a ngai tawh dawn a, chhiah chu felfai zawk leh dik zawka lak a nih dawn" niin member-te a hrilh.

Minister chuan GTS hman chu Nagaland sorkar tan a ṭha zawk dawn niin a sawi a, hei hian income tax a huam dawn lo, a ti bawk. Assembly Speaker Chotisuh Sazo chuan GST Bill hi vote voice hmanga pass a nih thu sawin, House member-te'n lungrual taka an pawm thu a sawi.