Nagaland-ah Cancer Treatment Centre hmasa ber hawng

Nagaland-in hun rei tak chhung a nghah hnuah cancer treatment hmasa ber Eden Medical Centre (EMC) chu Dimapur-ah Inrinni khan Nagaland State Minister for Health & Family Welfare, P Longon chuan a hawng ta.

Minister chuan mipui, a bikin cancer natna vei ten in enkawl tura hmun hla tak tak an pan ṭhin chu a hautak hle tih sawiin, Eden Medical Centre hawn a ni ta chu a lawmawm takzet a ni, a ti. He centre-ah hian enkawlna ṭha ber ber pek an ni dawn a, doctor-in an ṭhutchilh dawn a ni.

Eden Medical Centre-ah hian khum 100 a awm a, cabin bakah hmeichhia leh mipa tan general ward hran a awm bawk. Hawnna hun hi Dr. (Prof.) G.K.Rath, Chief, B.R. Ambedkar Institute-Rotary Cancer Hospital, AIIMS, New Delhi chuan a hmanpui a ni.