Manipur CM-in ERSS hawng

Manipur chief minister N Biren Singh chuan Inrinni liam ta khan state police  Emergency Response Support System (ERSS) a hawng. 

State chhung mipuite chuan police, fire service leh health department-te puihna an mamawh hunah emergency phone 112 hmangin ERSS hi an ti nung thei dawn a ni. ERSS hian mipuiten voice call, sms, e-mail, panic SOS request, web request an thawnte a lo hmu thei dawn tih police officer-te chuan an sawi. 

He system hmang hian mipuiten harsatna leh manganna an tawh hunah pawh thuneitu lam chuan rang zawk leh ṭha takin an pui thei dawn a ni, tiin CM chuan a sawi ani. Chief minister chuan police department hnuaia cyber crime police station leh forensic science laboratory-te chu hmanraw ṭha zawk hmanga thuam leh, thawktu pawh indaih zawk an awm theihna turin a kaihhruai sorkar chuan hma a la mek tih a sawi bawk.