Pawngsualtua puh AP MLA bail dilna hnawl

Gauhati High Court bench chuan pawngsualtua puh, Arunachal Pradesh-a BJP MLA Goruk Pordung-a'n bail a dilna chu a hnawlsak. 

MLA Pordung hi October 12  khan hotel-ah doctor hmeichhia pakhat pawngsuala puh a ni a,  Itanagar police station-ah thubuai siamsak a ni. Mahse Pordung chuan an puhna hi a dik lo a, tihhmingchhiat an tumna mai niin a sawi thung. 

Parpum Pare district-a West Session Division Judge chuan October 28 khan MLA hi bail-a chhuah a phalsak a ni. Hei vang hian pawngsual tawktu nia sawite lam hian Gauhati-ah petition an thehlut leh a, Gauhati High Court chief justice N Kotiswar Singh leh justice Mir Alfaz Ali awmna bench chuan ngaihtuah ṭhain, Sessions judge thutlukna lo siam tawh hi a hnawlsak a ni.